Arrangerer nettverkstreff for fiskarar
Torsdag 20. oktober er det igjen duka for «Fiskarkveld» ved Atlanterhavsparken i Ålesund. I fjor var det meir enn 100 personar innom. Målet er det same i år.
22 aug 2022
Fiskebåt Vest i lag med NCE Blue Legasea, Marint Kompetansesenter, Surofi, Norges Sildesalgslag, Møre og Romsdal Fiskarlag, Atlanterhavsparken Akvarium og Vitensenter står saman om arrangementet – Fiskarkveld- som går av stabelen torsdag 20. oktober. Målet med samlinga er å skape ein møteplass der fiskarar og tilsette i reiarlaga, der ein på tvers av fiskeri og stillingar kan møtast uformelt og med fagleg innhald. På den måten ønskar arrangørane å styrke både samhaldet, nettverket og kompetansen i fiskerinæringa.
Det blir lagt opp til ein uhøgtidleg bransjekveld med fagleg innhald, underhaldning og god mat og drikke.