Musikalsk underhaldning, informasjon om sjømatnæringa og utdanningsvegar var saman med ein klassekonkurranse hovudingrediensane i dei to forestillingane.

Årets musikalske artist var Sigrid Raabe, kjent blant anna frå NRK, Sommarfesten på Giske og Jugendfest i Ålesund. Eit ungt, musikalsk stjerneskot, som allereide er festa på den norske pophimmelen og svært populær i forsamlinga.

Den prisvinnande kunskapsformidlaren Arne Tunheim ga på 15 minutt dei unge ei innføring i norsk sjømatnæring, med hovudvekt på flåten.

Cathrine Tøsse, Mats Rørvik Grimstad og Martin Bolme- alle i 20-åra- fortalde om arbeidet om bord, utdanningsvegar og arbeidsordningar.

I ein kunnskapskonkurranse om sjømat mellom uttrekte klassar gjekk klasse 10D ved Kolvikbakken skole i Ålesund til topps i den første forestillinga og klasse 10C ved Valderøy ungdomsskule i den andre.

Arrangementet er eit samarbeid mellom Surofi, Møre og Romsdal fiskarlag, opplæringskontoret FiskOK og Fiskebåt Vest.